Ўзбекистон президенти 523 нафар маҳкумни афв этди

Мустақиллик байрами арафасида Ўзбекистон президенти 523 нафар маҳкумни афв этиш тўғрисидаги фармонни имзолади. Улардан деярли 200 нафари жазодан бутунлай озод қилинган, қолганларида эса муддати ёки шартлари қисқартирилган. Афв этилганлар орасида 8 нафар хорижлик, жумладан Тожикистон ва Серра-Леоне фуқаролари ҳам бор.

Ўзбекистон мустақиллигининг 34 йиллиги арафасида президент Шавкат Мирзиёев жазони ўтаётган, қилмишига чин кўнгилдан пушаймон бўлиб, тузалиш йўлига ўтган бир гуруҳ шахсларни афв этиш тўғрисидаги фармонни имзолади. Бу ҳақда «Ўзбекистон 24» телеканали хабар берди.

Хабарда қайд этилишича, афв этиш акти содир этилган жиноят фактини бекор қилмайди, балки «айбини англаган, қилмишидан пушаймон бўлган ва яхшиланиш истагини исботлаган одамлар учун имкониятдир».

Ҳужжат билан 523 нафар маҳкум афв этилди. Афв этилганларнинг умумий сонидан:

195 нафар шахс жазодан бутунлай озод этилди;
147 — муддатидан аввал шартли равишда;
87 — жазоси енгилроқ жазо билан алмаштирилди;
94 — қамоқ муддати қисқартирилди.

Афв этилганлар орасида:

45 аёл;
60 ёшдан ошган 31 киши;
30 ёшгача бўлган 220 нафар, шу жумладан бир вояга етмаган шахс;
8 нафар чет эл фуқаролари, шу жумладан Тожикистондан 6 нафар ва Серра-Леонедан 1 нафар;
илгари тақиқланган ташкилотлар фаолиятида иштирок этган 15 киши бор.

Фармон ижросини таъминлаш мақсадида прокуратура ва тегишли идоралар томонидан озод этилган шахсларни яшаш жойига етказиш, шунингдек, чет эл фуқароларини ўрнатилган тартибда ўз ватанига депортация қилиш ишлари ташкил этилди.

Тайёрлаган: Отабек Матназаров

#афв #Мустақиллик байрами