Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 15:53 / 11.05.2024
    15204
    4 дақиқада ўқилади

    РФ армияси Харкив областида янги юриш бошлади. Шаҳар ва қишлоқлар аҳолиси отишмалар остида эвакуация қилинмоқда

    Украинада урушнинг 807-куни ўтди. Асосий маълумотлар:

    • Украина мудофаа вазирлиги Россия қўшини 10 май куни украинларнинг Харкив областидаги мудофаасини ёриб ўтишга ҳаракат қилгани, чегара ҳудудида жанглар кетаётгани ҳақида хабар берди.
    • Норасмий маълумотларга кўра, Россия Украинанинг чегарадаги тўрт қишлоғини — Стрелече, Красне, Пилная ва Борисовкани қўлга олган; Харкив области расмийлари буни рад этган.
    • Харкив областининг чегарадош районлари ўққа тутилиши кучайтирилиши оқибатида тинч аҳоли вакилларидан икки киши ҳалок бўлиб, беш киши яраланган.
    • Харкив шаҳри ва Липци посёлкасида ракета зарбаларидан кейин бир неча уйлар ёниб кетган, 11 ёшли ўсмир ва икки нафар кекса аёл яраланган.
    • Суми областида россияликлар зарбаси оқибатида 64 ёшли аёл ҳалок бўлиб, унинг 17 ёшли набираси жароҳатланган.
    • Калуга областида нефтни қайта ишлаш заводига дронлар ҳужумидан кейин ёнғин чиққан. Жароҳат олганлар йўқ.

    Кун кадри. Харкив осмонида шимолий ёғду

    Кучли геомагнит бўрони туфайли 10 май куни кечқурун Украинанинг бир қанча областлари осмонида шимолий ёғду пайдо бўлди. Уни Харкив аҳолиси вакиллари ҳам кузатиши мумкин эди. Март ойида Владимир Путин Украинанинг шарқий қисмида буфер зона ташкил этиш зарурати ҳақида гапирганди — РФ ҳудудлари чегара орқали ўққа тутилиши ва бостириб кирилишининг олдини олиш учун. Шундан кейин Харкив областида ҳужумлар кучайтирилди.
    Pavlo Parkhomenko / EPA / Scanpix / LETA

    Харкив областининг чегарадош ҳудудларида эвакуация

    Украиналик қутқарувчилар Волчанскнинг кекса ёшли аҳолисини эвакуация қилмоқда — Украинанинг Россия билан чегарасидан беш километр масофада жойлашган бу шаҳар Россия қўшини томонидан мунтазам равишда ўққа тутилмоқда
    Полиция Украины / AP / Scanpix / LETA
    Волчанск шаҳри ва атрофдаги қишлоқлар аҳолиси эвакуация автобусларини кутмоқда
    Vyacheslav Madiyevskyy / Reuters / Scanpix / LETA
    Vyacheslav Madiyevskyy / Reuters / Scanpix / LETA

    Харкив ўққа тутилиши 

    10 май куни эрта тонгда Харкивда портлаш рўй берди — украин расмийларига кўра, россияликларнинг С-400 тизимидан учирилган ракета зарбаси оқибатида учта турар жойда ёнғин чиққан, шундан иккитаси буткул ёниб кетган. Кекса ёшли икки аёл ҳамда 11 ёшли бола жароҳатланган
    Anadolu / Getty Images

    Винницада «Азов» жангчисининг дафн маросими

    Украиналик Анастасия ўз қаллиғи Назария Гринцевичнинг тобути олдида — «Азов»нинг «Гринка» чақирув белгисига эга жангчиси 6 май куни Креминна яқинидаги жангда ҳалок бўлган. Гринцевич Мариуполдаги «Азовстал» заводи 2022 йил баҳорида қамал қилинганида унинг энг ёш ҳимоячиси бўлганди. «Азовстал» Россия қўшини томонидан эгаллангач, Гринцевич ҳам асир тушган — у тўрт ойдан кўпроқ вақтни ДХРдаги колонияда ўтказган, 2022 йил сентябрида асирлар алмашинувидан кейин уйга қайтганди. Кўп ўтмай Гринцевич қуролдошлари билан «Контакт 12» бўлинмасини ташкил этади ва фронтга қайтади
    Roman Pilipey / AFP / Scanpix / LETA
    Винницадаги Сабаровский қабристонидаги Қаҳрамонлар хиёбонида Гринцевичнинг дафн маросими
    Roman Pilipey / AFP / Scanpix / LETA
    Винница стадионида Гринцевич шарафига ўқ узилди
    Kostiantyn Liberov / Libkos / Getty Images
    Гринцевичнинг онаси Мариана ўғлининг тобутига қўл теккизмоқда
    Roman Pilipey / AFP / Scanpix / LETA
    Муаллиф:  Азиз Қаршиев
    #Украина #уруш суратлари

    Россия-Украина уруши

    2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.

    Мавзуга оид

    09:21

    ОАВ: РФ ва АҚШ Украина иштирокисиз ЗАЭСни бошқаришни муҳокама қилмоқда

    09:08

    Украина футбол ассоциацияси собиқ раҳбари қидирувга берилди

    22:56 / 25.12.2025

    Зеленский Путинга ўлим тилаётганига ишора қилди ва Россияни «худосизлик»да айблади

    16:37 / 25.12.2025

    Россия учун диверсия тайёрлаганликда айбланаётган украиналик Германияга топширилди