Жанубий Кореяда коронавирусдан соғайганларда қайталаниш ҳолатлари сони ортмоқда

Жанубий Кореяда коронавирусдан соғайгани билинган 160дан ортиқ кишида вирус такрор аниқланган. Шу билан бирга, бу беморлардан вируснинг юқиш эҳтимоли пастлиги айтилмоқда.

Фото: REUTERS

Жанубий Кореянинг Касалликларга қарши кураш ва олдини олиш маркази директори Jeong Eun-kyeong’нинг маълум қилишича, такрорий текширилган камида 163 кишида шифохоналардан жавоб берилгач, вирус аниқланган. Улар мамлакат узра даволанган 7 829 кишининг 2 фоизини ташкил этади, деб хабар қилмоқда Foxnews.

Унинг айтишича, беморлар ўртача 13,5 кун шифохонада бўлиб жавоб берилган. Шунинг баробарида, уларнинг ҳеч бирида жиддий ҳолат кузатилмаган, 61 нафарида енгил аломатлар кузатилган. Расмийлар, шунингдек, қайталаган беморлар билан мулоқотда бўлган 300га яқин кишини текширганида, коронавирус аниқланмаганини таъкидламоқда.

Тайёрлаган: Толиб Раҳматов

#Жанубий Корея #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.