Москвадаги парад вақтида С-400 намойиш этилди

Қайд этилишича, дунёда жанговар хусусиятларига кўра С-400 «Триумф» имкониятларига тенг келадиган қурол мавжуд эмас.

Ҳарбий парад вақтида колоннани Иккинчи жаҳон уруши давридаги энг яхши танк ҳисобланган Т-34 русумли техника бошқариб борди. Шунингдек, парадда «Арматa» Т-14 танки кўрсатилди.

Шундан кейин Қизил майдон ҳудудида «Искандер» тезкор-тактик ракета мажмуаси, «Тор-М2У» ва «Бук-М2» зенит-ракета мажмуаси ҳамда «Панцирь-С» зенит ракета-тўп мажмуаси бирин-кетин пайдо бўлди.

Россия Мудофаа вазирлиги маълумотига кўра, Ғалабанинг 71 йиллиги муносабати билан уюштирилган парад бу йил 10 минг ҳарбий, 135та ҳарбий машина, 71та учиш қурилмалари иштирокида ўтди.