Техасда самолётнинг қулаши натижасида тўрт киши ҳалок бўлди

АҚШнинг Техас штатидаги Хьюстон шаҳрида қулаган унча катта бўлмаган бир моторли самолётнинг қулаши оқибатида тўрт киши ҳалок бўлди. Бу ҳақда Associated Press хабар бермоқда.

Агентлик маълумотларига кўра, хусусий аэродромдан парвоз қилган Piper PA-32 самолёти ҳалокатга учраган.

Piper PA-32 бортида тўрт киши бўлган, уларнинг бари ҳалок бўлган. Самолёт турар-жой биносига бориб урилган. У ерда қурбон бўлганлар йўқ.
АҚШнинг федерал авиация бошқармаси воқеа юзасидан текширувни бошлаб юборган.