Жорий йилда Россия ва Туркия ўртасида чартер рейслари амалга оширилмайди

Фото: Известия

Россия сайёҳлик фирмалари уюшмаси ижрочи директори Майя Ломидзенинг баёнот беришича, 2016-йилда Туркия ва Россия ўртасидаги чартер парвозлари қайта йўлга қўйилмайди, деб ёзмоқда «Известия» нашри.

Унинг сўзларига кўра, 14-июлда Туркия делегацияси билан бўлиб ўтган учрашувда, Россия томони сайёҳларнинг хавфсизлигига оид масалани кун тартибига чиқарган. Туркия томони сайёҳлар учун хавфли жойларнинг рўйхатини тақдим этишини билдирган.

Ломидзенинг айтишича, Туркияда ҳарбий давлат тўнтаришига уриниш, Россия фуқароларининг ушбу мамлакатда ҳордиқ чиқаришга бўлган хоҳишини сўндирган. Шу боис, Туркияга сайёҳлик йўлланмаларига бўлган талаб ҳам кескин пасайган.

Бироқ, ҳозирча йўлланма харид қилганлар уларни қайтариб беришга шошилаётганлари ҳам йўқ.

#Россия #Туркия #чартер рейс