Оқ уй Туркияни Сурия билан чегарани ёпишга чақирди

АҚШ раҳбарияти Туркия ҳукуматини Сурия, хусусан Жараблус шаҳри жойлашган Ҳалаб вилояти билан чегарани ёпишга чақирди, деб хабар бермоқда Reuters ахборот агентлиги. Туркия ва АҚШ қуролли кучлари шаҳарни ИШИД жангариларидан озод қилиш бўйича операция давомида у ерга авиазарбалар берган.

"АҚШ туркларни қатъий чоралар кўришга ва маълум муддатга Туркия ва Сурия ўртасидаги чегарани ёпишга чақирди", деб айтди Оқ уй расмий вакили Жош Эрнест.

Ҳалаб вилояти Сурия-Туркия чегарасидан тахминан бир километр узоқликда жойлашган.

Аввалроқ Туркия армияси Сурия ҳудудига чегара яқинидаги Жараблус шаҳрини жангарилардан озод қилиш учун бостириб киргани маълум қилинганди.