Шанхайда йирик аксилтеррор ўқув машғулотлари ўтказилмоқда

ХХРнинг Шанхай шаҳрида йирик аксилтеррор машғулотлар бўлиб ўтмоқда, деб хабар қилаяпти Синьхуа агентлиги.

Хабарларга кўра, ўқув амалиётлари Шанхай аксилтеррор қўмитаси томонидан Хитой халқ армияси Шанхай гарнизони ҳамда шаҳар жамоат хавфсизлиги бошқармаси билан ҳамкорликда ташкил этилган.

Аммо, ҳарбий хизматчилар ва жанговар техникалар сони, ўқув машқлари неча кун давом этишига ойдинлик киритилмаган. 

Аввалроқ, Хитой ОАВ хабар қилганидек, терроризм таҳдиди кучайиб бораётгани ва Ханчжоу шаҳрида бўлиб ўтажак G20 саммити муносабати билан Шанхай аэропорти ва темир йўл вокзалларида хавфсизлик чоралари кучайтирилган.