"Спорт" телеканали Колумбиядаги футзал бўйича жаҳон чемпионатини трансляция қилади

Ўзбекистон МТРКнинг "Спорт" телеканали Колумбияда бўлиб ўтадиган футзал бўйича жаҳон чемпионати ўйинларини намойиш этиш ҳуқуқини қўлга киритди.Ушбу турнир 2016 йилнинг 10 сентябридан 1 октябригача ўтказилади ва унда Ўзбекистон футзал терма жамоаси ҳам иштирок этади.Ўзбекистон терма жамоаси футзал бўйича мундиалнинг "А" гуруҳида Колумбия, Португалия, Панама жамоаларига қарши ўйнайди.Ўзбекистонлик ўйинчилар илк баҳсда Панама терма жамоасига қарши баҳс юритади. Ушбу учрашув 11 сентябрь куни тонгги соат 04:00да бошланади.Бугун Ўзбекистон футзалчилари Эрон терма жамоаси билан ўртоқлик ўйини ўтказади.