Қирғизистон пойтахти Бишкек шаҳрида, Хитой элчихонаси жойлашган ҳудудда портлаш юз берди. Барча манбалар бу портлаш дипломатик бино ичкарисида юз бергани ҳақида хабар бермоқда.
Элчихонага алоқадор манбаларнинг билдиришича, портлаш худкуш террорчи томонидан содир этилган.
Теракт оқибатида элчихонанинг бир неча ходимлари жароҳатлангани айтилмоқда. Ҳалок бўлганлар ҳақида маълумот йўқ.
Жабрланувчиларга тиббий ёрдам кўрсатилган.
Портлаш рўй берган ҳудуд махсус топшириқли бўлимлар ходимлари томонидан ўраб олинган.
