Жон Нэшнинг Нобель медали тақдирига ойдинлик киритилди

Америкалик математик Жон Нэшга тегишли Нобель мукофотининг кўкрак нишони 17-октябрь куни кимошди савдосида сотилади. The New York Times газетасининг ёзишича, савдолар Sotheby's кимошди савдо уйи томонидан ташкил этилади.

Хабар қилинишича, медаль савдосидан 2,5-4 млн доллар ишлаш мумкин. Иқтисодиёт бўйича Нобель мукофотини олган Нэш 2015-йилда автоҳалокатда вафот этганди. У, «Ақллар ўйини» фильмидан сўнг, кенг оммага танилган. 

Айтиш жоизки, Нэшнинг медали сўнгги йилларда аукцион савдоларда сотилаётган биринчи Нобель мукофоти бўлмайди. Хусусан, 2013-йили ДНК тузилмаларини биринчи бўлиб кашф қилган Фрэнсис Крикнинг медали 2,5 млн долларга сотилган эди.