Афғонистонда 100дан ортиқ киши "Толибон" асирлигидан қутқарилди

Афғонистон махсус хизматларининг махсус топшириқли бўлинмалари "Толибон" ҳаракати назоратидаги қамоқхонадан 100 нафардан ортиқ маҳбусни озод қилди. Бу ҳақда Пажвак агентлиги хабар берган.

"Афғонистон хавфсизлик кучлари Ғилмон вилоятидаги "Толибон" қамоқхонасидан 101 кишини озодликка чиқарди", — дейилган агентликнинг твиттердаги расмий саҳифасида.

Афғонистондаги вазият 2015 йилнинг ёзидан бошлаб сезиларли даражада ёмонлашди. Авваллари мамлакатнинг тоғли ҳудудларида ҳаракатланган "Толибон" ҳаракати йирик шаҳарларга ҳужум қила бошлади. Қолаверса, 2015 йили мамлакатда ИШИД террорчилик ташкилотининг таъсири кучайиб, жангариларнинг янги гуруҳлари пайдо бўлди.