"Формула-1" чемпиони ирқчилик уни кучлироқ қилгани ҳақида гапириб ўтди

"Формула-1" бўйича уч карра жаҳон чемпиони Льюис Ҳэмилтоннинг айтишича, болалигидаги ирқий камситиш келажакда уни муваффақиятли пойгачи бўлишига сабаб бўлган.

"Мен катта бўлган ерда ирқчилик жуда авжига чиққан эди. Мени мактабда камситишар, бу эса мени илҳомлантирарди. Бу худди жангда олинган жароҳатларга ўхшар эди — улар сени баттар кучли қилади.

Отам доим шундай дер эди: "Ўз жавобингни трассада қайтар" ва мен биринчи кунданоқ шундай қилганман. 

"Ўз натижаларингни барча сўзлардан баландроқ янграшига имкон бер. Сен атрофингдаги одамларга бирор нима дейишга мажбур эмассан", — деб унинг сўзларидан иқтибос келтиради F1i нашри.