Трамп дунё президенти бўлишга даъво қилмаяпти

АҚШ президентлиги учун Республикачилар партияси номзоди Дональд Трампнинг баёнот беришича, унинг президентлик даъволари бутун дунёга эмас, фақатгина Қўшма Штатларга тегишлидир. Трамп Айова штатидаги сайловчилари билан ўтказган учрашувида шундай фикрларни билдирди, деб хабар қилмоқда WOWT 6 News.

Унинг фикрича, АҚШга «ташқи, иқтисодий, муҳожирлик ва савдога оид янги сиёсат керак». 

«Мен дунё президенти бўлмоқчи эмасман. Мен номзодимни АҚШ президентлиги учун илгари сураяпман. Ва мен сизларнинг манфаатларингизни ҳимоя қила оламан... 8 ноябрь куни ажойиб кун бўлади. Республикачиларнинг Оқ уйга қайтадиган вақти келди», — деган тадбиркор. 

Шу билан бирга, у Демократик партиядан рақиби Ҳиллари Клинтонни ўз мамлакати манфаатини ҳимоя қилмайдиган «глобалчи аёл» деб атаган. Трамп ўз фикрининг исботи сифатида Ироқ, Сурия, Ливиядаги вазиятлар, Эрон билан ядро келишувини келтирди, деб ёзмоқда РИА Новости.