Япониянинг Ямагути префектурасидаги Токуямакудамацу портида натрий гидроксид юкланган танкер чўка бошлади. Бу ҳақда NHK телекомпанияси хабар тарқатди.
Узунлиги 50 метрли "Ёвамару" танкерига 400 тонна натрий гидроксид юкланганди. Кеманинг чўкиш хавфи мавжуд. Экипажнинг 4 нафар аъзоси кемани тарк этишга муваффақ бўлган ва айни дамда хавфсизликда.
Натрий гидроксид сув билан аралашганида кучли кимёвий реакция юз беради ва улкан ҳажмдаги иссиқлик ажралиб чиқади. У терини куйдириши, кўзга тушса, кўр қилиши мумкин. Японияда ушбу химикатнинг 5 фоиздан ортиқ концентрациясини қўллаш тақиқланган.
Денгиз хавфсизлик хизмати ҳалокат ҳудудига патрул кемасини юборган.
Мутахассислар бу танкер ҳалокати жиддий оқибатларга олиб келмаслиги, фақат ҳудуд акваториясиг зарар етказишини айтиб ўтган.
"Бу радиация эмас, ёқилғи ҳам эмас. Шу сабабли катта талофат бўлмайди", деган мутахассис.
