Туркия парламенти мамлакат армиясининг Сурия ва Ироқдаги операцияларда қатнашиш ваколатини узайтирди

Фото: © AFP

Туркия парламенти кўпчилик овоз билан мамлакат қуролли кучларини Ироқ ва Сурияда қўллашга рухсатни яна 13 ойга узайтирди.

Мандатни узайтириш ҳақидаги масала 1 октябрда парламентнинг кузги сессиясининг биринчи йиғилишида қўриб чиқилди.

Туркия парламенти 2014 йил октябрида мамлакат қуролли кучларини хорижда қўллаш ва мамлакат ҳудудида хорижий қўшинларнинг бўлишига рухсат берганди. Мандат бир йил давомида амал қилган, сўнгра у яна бир йилга узайтирилганди.