Фото: REUTERS
АҚШ президенти Барак Обама Оқ уйда Стэнли кубогининг 2015/16 соҳиби «Питтсбург Пингвинз» хоккейчиларини қабул қилди.
«Сиз менинг президентлик йилларимнинг илк кезларида бу ерга кубок соҳиблари сифатида келган эдингиз, энди кетар чоғимда ҳам ташриф буюрмоқдасиз. Унгача қанча сувлар оқиб кетди. Масалан, 2009 йилда сочларимнинг ранги шайба ранги сингари қора эди, ҳозир эса муз каби оппоқ», — деган президент ҳазиломуз. Бу ҳақда Yahoo Sports ёзмоқда.
АҚШ президенти жамоанинг Сидни Кросби ва Мэттью Мюррей, шунингдек, Карл Хагелин, Ник Бонино ва Фил Кессел сингари хоккейчиларини эътироф этган.
