Обама севимли фантастик фильмлари номларини маълум қилди

Фото: Kevin Lamarque / Reuters

АҚШ президенти Барак Обама оммани ўзининг севимли илмий-фантастик фильм ва сериаллари рўйхати билан таништирди. Бу рўйхатни Wired журнали чоп этди.

Ушбу рўйхатдан режиссёр Стэнли Кубрикнинг "2001 йил: Коинот одиссеяси" (1968), Ридли Скоттнинг "Тиғ устида чопувчи " (1982), Стивен Спилбергнинг "Учинчи даражали яқин алоқалар" (1977), Жорж Лукаснинг "Юлдузлар жанглари. IV эпизод: Янги умид" (1977) ҳамда нисбатан яқинда чиққан Вачовскининг "Матрица" (1999) ва Ридли Скоттнинг "Марслик" (2015) фильмлари ўрин олган.

Бундан ташқари, Обама "Стартрек" ("Юлдузли йўл", 1966-1969) сериали ва "Коинот: шахсий саёҳат" (1980) ҳужжатли сериалини қайд қилиб ўтди.

Ушбу рўйхатдан режиссёр Ридли Скоттнинг иккита фильми жой олди. Обама унинг "Тиғ устида чопувчи" фильмига изоҳ бериб, "Бу фильм бир савол қўяди: инсон бўлиш учун нима талаб қилинади?", деб айтди. Обаманинг фикрича, "Марслик" фильми одамларнинг жиддий муаммоларни ҳал қилишга қобилиятини кўрсатади.

Тайёрлаган: Шуҳрат Раҳимов

#Барак Обама #фантастик фильмлар #"Марслик"