Саудия Арабистони нефть қазиб олиш бўйича етакчи ўринга чиқди

Фото: © СС0

Август ойида кунига ўртача 10,36 млн баррель нефть қазиб олган Россия нефть қазиб олиш ҳажми бўйича Саудия Арабистонидан орқада қолди. Бундан Россия статистика қўмитаси – Росстат маълумотлари гувоҳлик бермоқда.

Маълум қилинишича, июль ойида Саудия Арабистони кунига 10,577 млн баррель, Россия эса ўртача 10,597 млн баррель нефть олган. Бироқ августда Саудия Арабистони кунига 10,605 млн баррель нефть ола бошлаган.

Августда ОПЕКга кирувчи давлатлар оладиган умумий нефть ҳажми кунига 33,237 млн баррелни ташкил қилган.