Apple компанияси сенсор панелли MacBook Pro’ни тақдим қилди

Apple компанияси тақдимоти доирасида сенсор панелли ўзининг янги MacBook Pro ноутбукини тақдим қилди. Тақдимотни компаниянинг расмий сайтида кўриш мумкин.  

Аввал чоп этилган маълумотларга кўра, янги қурилма клавиатуранинг юқори қисмида бошқариш учун кичик дисплей олган. Янги функция TouchBar номини олди. Клавиатурадаги дисплейнинг ишлашини ўз хоҳишига кўра созлаш мумкин. Шунингдек, компьютер ўз ичига катталаштирилган Force Touch тачпадини олган.

Apple ноутбукларнинг иккита версиясини тақдим қилди: 13 ва 15 дюймли. Қурилмалар кумушранг ва тўқ-кўк рангларда таклиф қилинади.

Таъкидланишича, 15 дюймли ноутбук аввалги вариантидан 20 фоизга юпқароқ ишланган. 13 дюймли ноутбук эса аввалги вариантидан 17 фоизга юпқароқ ва 200 граммга енгилроқ бўлган.