Жанубий Кореяга янги бош вазир тайинланди

Фото: © EPA

Жанубий Корея президенти Пак Кин Хе мамлакатнинг янги бош вазирини тайинлади. Эндиликда Ким Бен Жун ҳукумат раҳбари бўлди. У Хван Ге Аннинг ўрнини эгаллади. Бу ҳақда Bloomberg хабар берган.

Ким Бен Жун бундан олдин Жанубий Кореянинг собиқ президенти Но Мун Хенинг сиёсий маслаҳатчиси бўлган. Бир вақтнинг ўзида молия вазири ишдан бўшатилиб, унинг ўрнини Им Жон Юн эгаллаган.

Ҳукуматдаги ўзгаришлар Пак Кин Хе ва унинг дугонаси Цой Сун Силь атрофида кечаётган сиёсий маш-машалар билан боғлиқ. Президентнинг дугонаси унга омма олдида ўқиладиган матнларни таҳрирлаб берган, ҳолбуки у давлат раҳбари гуруҳида бўлмаган. Бу Жанубий Корея жамияти ва сиёсий давралар ичида норозилик келтириб чиқарган.

Тайёрлаган: Азиз Қаршиев

#бош вазир #Жанубий Корея #президент