Регби бўйича Янги Зеландия терма жамоаси Халқаро кузги ўйинлар сериясида Ирландия регбичиларига 29:40 ҳисобида ютқазди. Учрашув АҚШнинг Чикаго шаҳрида ўтказилган.
2016 йилги Халқаро кузги ўйинлар сериясида 10 жамоа иштирок этмоқда: Австралия, Аргентина, Янги Зеландия, ЖАР, Англия, Франция, Ирландия, Италия, Шотландия ва Уэльс.
Янги Зеландия ва Ирландия регби терма жамоалари ўртасидаги илк учрашув 1905 йилнинг 25 ноябрида Дублинда ўтказилган ва ўшанда янги зеландияликлар 15:0 ҳисобида ғалабага эришганди. Шу вақтгача жамоалар 29 учрашув ўтказилган ва улардан фақат бирида ирландлар дурангга эриша олганди (1973 йилнинг 20 январида - 10:10), охирги тўқнашувдаги ғалаба эса ирландлар учун тарихдаги биринчи ғалабага айланди.
Бундан ташқари, ирландияликлар Янги Зеландия вакилларининг халқаро ареналардаги 18 учрашувдан иборат мағлубиятсиз сериясига якун ясади.
