Фото: AP
АҚШ президенти лавозимига номзод Хиллари Клинтон сайловолди пойгаси суръатларига чидашга қодир эмас ва сайловларга саноқли кун қолганда чарчагани сабабли ўз позицияларини бой бермоқда, деб айтди унинг президентлик сайловлари бўйича асосий рақиби Дональд Трамп. Бу ҳақда ТАСС ахборот агентлиги хабар бермоқда.
"Мен ҳар куни 5-6 та тадбир ўтказаман, Хиллари эса ухлагани уйига кетади. Унда мамлакатни бошқариш учун талаб қилинадиган куч-қувват йўқ", деб айтди Трамп Флоридада тарафдорлари билан учрашувда.
Трампнинг айтишича, у Клинтондан фарқли ўлароқ, АҚШда президентлик сайловлари ўтказиладиган 8 ноябргача ҳар куни 5-6 та учрашув ўтказмоқчи.
