Моссад Гана терма жамоаси бош мураббийи Грантни Мисрга бормасликка чақирди

Исроил махсус топшириқлар ва разведка хизмати (Моссад) Гана терма жамоаси бош мураббийи Авраам Грантни Мисрга бормасликка чақирди.

Моссад талқинига кўра, араб ва яҳудийлар ўртасида кечаётган можаролар сабаб Мисрда Грантнинг ҳаёти хавф остида қолиши мумкин.

Олдинроқ мисрлик мухлисларнинг исроиллик мураббий Александрияга келса, унга ҳужум қилишга тайёр экани ҳақида баёноти чиққанди.

Миср ва Гана терма жамоалари ўртасидаги ЖЧ-2018 саралаш ўйини 13 ноябрь куни Александрияда бўлиб ўтиши лозим.