Обама Uber’да ишлашини айтиб ҳазиллашди

АҚШ президенти Барак Обама президентлик муддати якунлангач, Uber такси-хизматига ҳайдовчи бўлиб ишга кирмоқчилигини айтиб ҳазиллашди. Бу ҳақда CBS хабар бермоқда. 

Обама америкалик актриса Жина Родригесга берган интервьюси давомида Родригес Обама ўз ваколатларини топширгач нима билан шуғулланиши ҳақида қизиқиб кўрган. АҚШ етакчиси Uber’да ишлашини айтиб ҳазиллашган. Бироқ актриса буни чин деб ўйлаб, бу жавобдан ҳайратланган.

"Биласизми, мен икки ҳафтача тўйиб ухлаб олмоқчиман. Агар жиддий гапирадиган бўлсак, биз мақбул шароитларга эга бўлмаган ёшларга имкониятлар бериш устида ишлашни давом эттирамиз", деб таъкидлаб ўтди Обама.