Қўшимча функционаллар
-
Тунги кўриниш
Ўзбекистонда стоматология хизматлари янада такомиллаштирилади
Ўзбекистонда стоматология хизматларини янада такомиллаштириш борасида навбатдаги қадам ташланди. Шу мақсадда, Ўзбекистон Республикаси Президенти вазифасини бажарувчи Шавкат Мирзиёев 2016 йил 21 ноябрда Тошкент давлат стоматология институтининг Андижон, Бухоро, Самарқанд ва Нукусдаги филиалларини қайта ташкил этишга доир қарор қабул қилди. Қарор матни Lex.uz сайтида эълон қилинган.
Улар ўрнига Андижон, Бухоро ва Самарқанд тиббиёт институтлари, шунингдек, Тошкент педиатрия институтининг Нукус филиалида стоматология факультетлари очилади.
Қарорда таъкидланишича, ҳужжат стоматология соҳасида юқори малакали тиббиёт кадрлари тайёрлаш тизимини янада такомиллаштириш, стоматолог-мутахассисларни назарий тайёрлаш сифатини ошириш ҳамда уларнинг амалий кўникмаларини юқори босқичга кўтариш мақсадида қабул қилинган.
Эндиликда, тўртта филиалда таҳсил олаётган талабалар таълим шакли сақланган ҳолда янги факультетларда ўқишни давом эттиришади.
Эслатиб ўтамиз, Тошкент давлат стоматология институти 2014 йилда Тошкент Тиббиёт академияси стоматология факультети негизида ташкил этилган эди.
Мавзуга оид
20:49 / 07.05.2025
Ҳиндистонлик талаба Тошкент тиббиёт академиясидаги таълимни расво деб атади. Вазирлик рад этди
20:07 / 13.03.2024
Тошкент тиббиёт академиясига ўқишга киритишни ваъда қилган шахс ушланди
13:25 / 08.04.2023
Тошкент давлат стоматология институтида «Тиббиёт ва инновация» халқаро талабалар олимпиадаси ўтказилди
19:17 / 07.04.2023