Перуда юз берган ерости силкинишлари вайронагарчиликларга сабаб бўлди

Перунинг жанубий ҳудудларида кучли зилзила рўй берди. Reuters агентлигининг АҚШ геология хизматига таянган ҳолда хабар қилишича, унинг кучи 6,3 баллни ташкил этган.
 
Зилзила маркази Хульяка шаҳридан 45 км шимоли-шарқда 3 кмлар чуқурликда бўлган. Earthquake Track портали хабарига кўра, офат маҳаллий вақт билан 17:40лар атрофида рўй берган. 

Мамлакат фуқаро мудофааси миллий институти Twitter саҳифасида маълум қилишича, зилзила туфайли бинолар вайрон бўлган. 

«Хабарларга кўра, Лампа вилоятида 8 та уй вайрон бўлган, Паратия округида 40та уйга талофат етган. Одамлар хавфсиз жойларга кўчирилган», — дейилади хабарда.