«Барселона» Испания чемпионатининг 14-туридан ўрин олган «Реал»га қарши учрашувда майдонга тушиши мумкин бўлган футболчилар қайдномасини эълон қилди.
Клуб расмий сайтида берилган қайдномада 18 нафар футболчи ўрин олган. Луис Энрике фойдаланиши мумкин бўлган футболчилар рўйхатидан жароҳатидан қутулиб сафга қайтган Андрес Иньеста ҳам ўрин олган.
«Барселона»нинг ўйинга тақдим этган таркиби қуйидагича: Марк Андре тер Штеген, Яспер Силлессен, Люка Динь, Жорди Альба, Хавьер Маскерано, Жерар Пике, Самюэль Юмтити, Серхи Роберто, Андре Гомеш, Иван Ракитич, Серхио Бускетс, Денис Суарес, Арда Турон, Андрес Иньеста, Луис Суарес, Лионель Месси, Неймар, Пако Алькасер.
