Тошкент тиббиёт академиясига янги ректор тайинланди

Ўзбекистон Республикаси Соғлиқни сақлаш вазири ўринбосари Тўйчиев Лазиз Нодирович Тошкент тиббиёт академияси ректори этиб тайинланди. Бу маълумот "Кун.uz" нашри саволига жавоб берган Соғлиқни сақлаш вазирлигидаги манба томонидан тасдиқланди.

У собиқ ректор Каримов Шавкат Ибрагимовичнинг ўрнини эгаллаган.

Бундан олдинроқ бош вазир ўринбосари Адҳам Икромов Соғлиқни сақлаш вазири этиб тайинлангани ҳақида хабар берилганди.