ИШИД террорчилик гуруҳи жангарилари Ироқ жануби-ғарбидаги Киркук вилоятининг Ал-Хувайжа шаҳрида 28 кишини отиб ташлашди. Бу ҳақда "Ас-Сумария" телеканали хабар берган.
Унинг маълумотларига кўра, террорчилар ироқликларни ҳукумат кучлари ва курдларнинг "пешмерга" бўлинмалари билан ҳамкорлик ва жосусликда айблаб қатл этишган.
Маълумот учун, Киркук вилоятининг жануби-ғарбий қисмлари ИШИД томонидан 2014 йилнинг июнида эгалланган. Ўшандан бери террорчилар қўлида бўлган ерлардан деярли 150 минг киши бош олиб чиқиб кетди.
