Қозоғистонда янги ташқи ишлар вазири тайинланди. Республика президенти Нурсултон Назарбоев тегишли фармонга имзо чекди, деб хабар бермоқда давлат раҳбари матбуот хизмати.
Унга кўра, Абдраҳманов Қайрат Қудайбергенович Қозоғистон Республикасининг янги ташқи ишлар вазири этиб тайинланди. Амалдор мамлакатнинг БМТдаги доимий вакили вазифасидан озод этилган.
Шунингдек, миллий иқтисодиёт вазирлигига ҳам янги раҳбар тайинланди. Бу лавозимда Тимур Сулейманов иш бошлади.