Европа давлатларидан бирида ИШИД кимёвий қурол қўллаши мумкинлиги айтилди

Фото: RIA

Буюк Британия ички ишлар вазири биринчи ўринбосари Бен Уоллес ИШИД террорчилик ташкилоти Буюк Британия ёки Европа давлатларидан бирида кимёвий қурол қўллашни режалаштираётгани мумкинлигини айтди.

"ИШИДнинг мақсади кўпроқ қурбонларга олиб келувчи ҳужумни содир этишдир. Уларда кимёвий қуролни қўллаш олдида ҳеч қандай маънавий тўсиқлар йўқ, агар улар буни қила олсалар, улар буни ушбу давлатда қилардилар", деб айтди Уоллес.

Уоллеснинг айтишича, ИШИДнинг кимёвий қурол қўллаш бўйича режалари фош қилинмаган, бироқ британ хавфсизлик хизматлари мумкин бўлган ҳужумларга тайёргарлик кўриш бўйича махсус машғулотлар ўтказмоқдалар.

Тайёрлаган: Шуҳрат Раҳимов

#Буюк Британия #ИШИД #Европа #кимёвий қурол