Поп тумани аҳолиси 2017 йилни арча кўчатларини экишдан бошлади

Наманган вилояти Поп тумани аҳли кириб келган янги 2017 йилни арча кўчатларини экишдан бошлади. 

Туман ҳудуди бўйлаб мингдан ортиқ манзарали арча кўчатлари туман маркази, катта йўллар бўйлари, истироҳат боғлари, бино ва иншоотлар олдиларига экилди. Ушбу хайрли ишга ўн мингдан ортиқ туман аҳолиси ўз ҳиссаларини қўшишди. 

Ҳашарда иштирок этганлар жорий йил туман аҳли барча соҳаларда пешқадам бўлишликни ва пахта-ғалла режаларини ортиғи билан бажариб юртимиз хирмонига муносиб ҳисса қўшишни аҳд қилишди.