Украинада АҚШ милтиқлари ишлаб чиқарилиши режалаштирилмоқда

Украинанинг "Укроборонпром" давлат концерни АҚШнинг Aeroscraft компанияси билан биргаликда НАТО стандартлари бўйича ўқотар қурол, жумладан автоматик милтиқ М16  ишлаб чиқармоқчи.  

Автоматнинг ишлаб чиқарилиши корхонанинг пилот лойиҳаси ҳисобланади.

Ўтган йилнинг 16 декабрида Украина миллий хавфсизлик ва мудофаа кенгаши котиби Александр Турчинов Киев нафақат НАТО стандартларига эришмоқчи эканлиги, балки рус қуролидан устунроқ қурол яратмоқчилигини маълум қилганди. Унинг айтишича, бунинг учун мудофаа мажмуасининг тизимли молиялаштирилиши зарур.

М16 милтиғи АҚШда қуролланишга 1964 йилда олинган. Унинг турли вариантлари ҳозирда ҳам АҚШ пиёда аскарларининг ўқотар қуроли бўлиб келмоқда. Ҳаммаси бўлиб бу автоматдан 8 млндан кўпроқ ишлаб чиқарилган. АҚШдан ташқари, бу милтиқ ўнлаб бошқа давлатларда қўлланади.