«Манчестер Юнайтед» клуби «Атлетико» ҳужумчиси Антуан Гризманн билан шартнома имзолашни режалаштирмоқда. The Sun хабарига кўра, «Манчестер Юнайтед» вакиллари франциялик футболчини Англияга кўчиб ўтишга кўндириш учун унга 220 минг фунт миқдоридаги маош таклифини бермоқчи.
Гризманнинг трансфер қиймати эса 86 миллион фунтни ташкил этиши мумкин. Ҳозирда инглизлар жамоаси футболчининг агенти билан музокара олиб бормоқда. Аммо Мадрид клуби билан бу борада алоқага чиқилмаган.
Бундан олдинги хабарларда «МЮ» 2017 йилнинг ёзида Гризманн ва Сауль Ньигес учун 170 млн евро (145 млн фунт) сарфлашга тайёрлиги айтилганди.
