Фото: Twitter .com @CDA
Рим папаси Франциск ўз планшетидаги камерани стикер билан ёпиб қўйган ҳолда тушган сурати аввал Ватикан нашрларида, кейин эса ижтимоий тармоқларда ёйилди.
Ижтимоий тармоқ фойдаланувчилари папанинг iPad планшетидаги олд камераси Ватикан герби тасвирланган махсус наклейка билан тўсиб қўйилганини пайқашган.
Умумий тахминга кўра, папанинг планшетидаги камера хакерлар масофадан туриб уни бошқариб, папани яширинча суратга ва видеога олмасликлари нуқтаи назаридан ёпиб қўйилган. Facebook ижтимоий тармоғи раҳбари Марк Цукерберг ҳам худди шундай йўл тутишни афзал кўради.
