Apple янги iPad Air планшетини тақдим этди

Apple янги авлод iPad Air планшетини эълон қилди. Асосий ўзгариш М4 чипи ҳисобланади. Планшет саккиз ядроли процессор ва тўққиз ядроли GPU, шунингдек, 16 ядроли Neural Engine'га эга бўлди. Apple маълумотларига кўра, янгилик М3 версиясидан 30 фоизга, М1 моделидан эса 2,3 баравар тезроқ.

Бирлаштирилган хотира ҳажми 12 Gb гача ошди - бу ўтган авлодга нисбатан 50 фоизга кўп. Хотиранинг ўтказувчанлиги - 120 Гб/с. Буларнинг барчаси сунъий интеллект функциялари билан ишлаш тезлигининг ошишини таъминлаши керак.

Бошқа ўзгаришлар орасида Wi-Fi 6E ўрнига Wi-Fi 7 ва 5.3 ўрнига Bluetooth 6 мавжуд. Симсиз уланишлар учун янги N1 чипи масъул, SIM-картали версияларда эса 5G қўллаб-қувватлайдиган C1X модеми ишлатилади. Apple, шунингдек, олдинги моделга нисбатан юқори мобил интернет тезлиги ва модемнинг камроқ энергия сарфини ваъда қилмоқда.

Бошқа томондан, бу таниш iPad Air. У ҳали ҳам 11 ва 13 дюймли версияларда мавжуд, шунингдек, Apple Pencil Pro ва Magic Keyboard'ни қўллаб-қувватлайди.

Ранглар ўзгаришсиз қолди - кўк, бинафша, оч тўқ сариқ ва кумуш ранг. Вазн минимал даражада ўзгарди: янги модел аввалгисидан атиги 4-5 грамм оғирроқ бўлди.

Нархлар ҳам ўзгармади. 11 дюймли iPad Air Wi-Fi версияси учун 599 доллардан ва SIM-карта версияси учун 749 доллардан бошланади. 13 дюймли модел мос равишда камида 799 ва 949 доллар туради. Олдиндан буюртма бериш 4 мартдан, сотиш эса 11 мартдан бошланади.