АҚШ вице-президенти Жо Байден мамлакатнинг сайланган президенти Дональд Трампга ўзини тутиши борасида маслаҳатлар бериб, миллиардерни «ўсишга» чақирди, деб хабар қилмоқда PBS телеканали.
«Катта ёшли бўлинг, Дональд, ўсинг. Катта одам бўлиш вақти келди. Сиз президентсиз, бизга нималарга қодир эканингизни кўрсатинг», — деган Байден Трампнинг Twitter ижтимоий тармоғини қўллашга муккасидан кетганига фикр билдирар экан.
Бундан ташқари, Байденнинг қўшимча қилишича, уни Трамп маъмуриятининг ички эмас, ташқи сиёсатга киритиши мумкин бўлган ўзгаришлари ташвишга солмоқда.
2016 йил октябрь ойида Жо Байден имкони бўлганда Дональд Трампни дўппослашдан тап тортмаслигини айтганди.
