Сурия ҳукумати Ҳалабни тиклаш режасини қабул қилди

Фото: SANA

Сурия вазирлар маҳкамаси Ҳалаб шаҳрининг босқичма-босқич тикланиши режасидан иборат дастурни қабул қилди, деб хабар бермоқда SANA ахборот агентлиги.

Дастур коммунал хизматлар ва саноатнинг тикланиши, хавфсизликнинг мустаҳкамланиши, таълим ва тиббиёт муассасаларининг нормал ишга қайтишини кўзда тутади.

Режанинг амалга оширилишини назорат қилиш учун ишчи гуруҳ шакллантирилди, унга жамоатчилик ишлари ва уй-жой қурилиши, маҳаллий ўзини бошқариш ва сайёҳлик вазирлари кирган.

Сурия армияси 22 декабрда Ҳалабнинг террорчилардан тўлиқ озод қилинганини эълон қилганди.