Франция НАТО таркибидан чиқиши мумкин

Франция НАТО таркибидан чиқиши мумкин. Бунинг учун мамлакатдаги сўл кайфиятдаги сиёсий ҳаракат етакчиси Жан-Люк Меланшон бўлғуси президентлик сайловида ғалаба қозониши керак. Сиёсатчи BFM-TV телеканалига берган интервьюсида шундай баёнот берган. 

"Совуқ уруш тугади. Аммо, мудофаа харажатлари ошмоқда. Бу борада Россия эмас, аксинча АҚШ етакчилик қилмоқда", - деган Меланшон.

"Шу сабабли, мен президент сифатида сайлансам, Франция НАТО тузилмаларини тарк этади. Биз Қўшма Штатлар томонидан тиқиштирилаётган ҳарбий кампанияларда иштирок этишни хоҳламаймиз", - деган Франция сўлчилари етакчиси. 

Меланшон, шунингдек, ракеталарга қарши мудофаа (РҚМ) тизимларининг Шарқий Европада жойлаштирилишини ҳам танқид қилган. 

"Америка РҚМ тизимлари ҳарбий можаро юз бергудек бўлса, бутун Европани хавф остида қолдиради", - дея ишонч билдирган Меланшон.

Франция президентлик сайловининг биринчи тури 23 апрелда бўлиб ўтади. Иккинчиси 7 майга белгиланган. 2012 йилги сайловларда ҳам иштирок этган Жан-Люк Меланшон 11,13 фоиз овоз тўплаб, тўртинчи ўринни эгаллашга муваффақ бўлган эди. Бу сафар ҳам, ижтимоий сўров натижаларига кўра, у номзоди етакчи 5 нафар номзод рўйхатидан ўрин олган.