Хитойдаги спа-салонда 18 киши тириклайин ёниб кетди

Хитой шарқидаги Чжэцзян вилоятидаги спа-салонда чиққан ёнғин оқибатида камида 18 киши ёниб кетди, деб ёзмоқда Хитой марказий телевидениеси сайти.

Телеканал маълумотларига кўра, воқеа 5 февралда маҳаллий вақт билан соат 16.00да Тяньтай уездида юз берган. Айни вақтга келиб 18 киши ҳалок бўлган, икки киши жабрланган, деб ҳисобланмоқда. 

Интернетда тарқаган ёнғин суратларида кучли ёнғин ва қуюқ тутунни кўриш мумкин. Гувоҳларнинг айтишича, баъзи одамлар жон сақлаш мақсадида бино ойналаридан пастга сакрашган.

Воқеа жойида қутқарувчилар иш олиб бормоқда.