Фото:RIA
АҚШ ва Афғонистон раҳбарлари Дональд Трамп ҳамда Ашраф Ғани ўртасида бўлиб ўтган телефон орқали мулоқотда икки мамлакат ҳамкорлигини мустаҳкамлаш масалалари муҳокама қилинди. Бу ҳақда Оқ уй матбуот хизмати хабар қилмоқда.
Таъкидланишича, Трамп "Америка-афғон стратегик ҳамкорлигининг муҳимлигини қайд этиб, миллий бирлик ҳукуматини қўллаб-қуватлашини изҳор қилган".
"Етакчилар икки томонлама муносабатларнинг хавфсизлик, терроризмга қарши кураш ҳамда иқтисодий ривожланиш соҳаларини мустаҳкамлаш имкониятларини ҳам кўриб чиқишди", — дейилади хабарда.
Оқ уйга кўра, Трамп "Ашраф Ғани билан доимий равишда мулоқотда бўлиб туришига ишонч билдирган".
