Покистон шимолида кўчки туфайли одамлар қор остида қолиб кетди

19 февраль куни Покистон шимолида қор кўчкиси рўй берди. Табиий офат Хибер-Пахтунква вилояти ҳудудидаги "Лавари" автомобиль туннели яқинида кузатилган.

Улкан қор бўлаги 18 кишини босиб қолган. Дастлабки маълумотларга кўра, улардан 7 нафари ҳалок бўлган, 7 киши қутқарилган, яна 4 кишининг тақдири номаълумлигича қолмоқда. 

Agence France-Presse хабарига кўра, айни вақтда ҳудудда қутқарув-қидирув ишлари олиб борилмоқда.

5 февраль куни ҳам Покистонда қор кўчкиси туфайли 14 киши ҳалок бўлганди.