Адҳам Икромов вазирликка тайинланганидан 2 ой ўтиб лавозимни тарк этди

Ўзбекистон Республикаси Соғлиқни сақлаш вазирлигида 2 ой ичида иккинчи марта раҳбар ўзгарди.

Соғлиқни сақлаш вазирлигидаги манбанинг тасдиқлашича, эндиликда вазирликни Алишер Шодмонов бошқаради. У 2 ой муқаддам, 2016 йилнинг 13 декабрида шу лавозимга тайинланган Адҳам Икромов ўрнини эгаллади.

Бу ўзгариш сабаби келтирилмаган.

Алишер Шодмонов (1962 йилда туғилган) — тиббиёт фанлари доктори, профессор. Шу вақтга қадар Олий Мажлис Қонунчилик палатасининг Фан, таълим, маданият ва спорт масалалари қўмитаси раиси эди («Адолат» партияси вакили). У депутатликдан олдин Андижон тиббиёт институти ректори бўлиб ишлаган.

Эслатиб ўтамиз, Шавкат Мирзиёев февраль ойи бошида Ўзбекистондаги соғлиқни сақлаш тизимини танқид қилганди.