Хитойнинг Чжэцзян вилоятида яшовчи 94 ёшли аёл кунг-фу билан шуғулланиши туфайли интернетда машҳур бўлиб кетди. Бу ҳақда Daily Mail нашри хабар берди.
Чжан Хэсянь жанговар санъатларнинг бу тури билан тўрт ёшидан шуғуллана бошлаган ҳамда катта бўлганидан сўнг Нинбо шаҳрида ўзи дарс бера бошлади. Аёл айни дамда нафақага чиққан бўлиб, ҳар куни спорт билан шуғулланади ва қурол сифатида ёғоч таёқдан фойдаланади. У ўз ўғли билан биргаликда машқлар олиб боради, шунингдек, чеварасига ҳам бу спорт сир-асрорларини ўргатмоқда.
Хэсянь яхши жисмоний ҳолатда бўлиб, кучли соғлиғи билан ажралиб туради. Таъкидланишича, уни маҳаллий аҳоли вакиллари “аёл-рицар” деб аташади.
