BBC янгиликлар сони жонли эфирдаги кутилмаган воқеа сабаб машҳур бўлиб кетди

BBC янгиликлар сони жонли эфирдаги кутилмаган воқеа сабаб машҳур бўлиб кетди. 

Профессор Роберт Келлининг орқасида бола кўринган вақтда у видеоалоқа орқали Жанубий Кореядаги сиёсий вазиятга изоҳ бераётганди. Бошловчи кутилмаган "меҳмон" ҳақида профессорга айтганида у ортига қарамаган ҳолда қизчани кадрдан четлатишга уринди. 

Шундан сўнг хонага болалар аравачасида яна бир бола, унинг кетидан эса аёл киши югуриб кирди. Улар бир неча сония бир-бирларининг кетидан қувиб, хонани тарк этишди. Бошловчи ва шарҳловчи табассумларини тийиб тура олишмади. 

BBC журналисти Жулия Макфарлан мазкур видеони Twitter'га жойлади. Унинг ҳамкасби Элли Прайс бу видео шу куни телевизорда кўрган энг яхши видеоси эканини таъкидлади.