Турклар билан низога киришган Нидерландиянинг номи яна "ўзгарди"

Туркия президенти Ражаб Тоййиб Эрдўған Туркиянинг Хўжайли вилоятида ўтган тадбирда сўзлаган нутқида Нидерландия ўзини "банан республикаси" каби тутаётганини айтди.  

Туркиянинг ташқи ишлар вазири Мавлуд Човушўғлу самолёти Нидерландияга қўйилмагандан ва яна бир турк вазири Фатма Бетул Саён Кайю Нидерландиядан чиқариб юборилгандан кейин икки давлат ўртасида дипломатик можаро авж олди.

Шундан кейин Эрдўған Нидерландия ҳукуматини кескин танқид қилиб, уларни "фашистлар" деб атаган ва ҳатти-ҳаракатларини "ирқчиларга хос" деб айтган. Бундан ташқари, у худди шунга ўхшаш жавоб чоралари кўрилишини билдирган.

Замонавий тилда "банан республикаси" ибораси сотқин ҳукумат, вайрон бўлган иқтисодиёт, қатта ташқи қарзга эга, коррупцияга ботган давлатга нисбатан ишлатилади.