2016 йили Тошкентда 2018 нафар аёл 1613та жиноят содир этди

23 март куни Тошкент шаҳри Ички ишлар бош бошқармасида профилактика куни муносабати билан матбуот анжумани бўлиб ўтди. Унда аёллар ўртасида жиноят содир этиш ҳоллари бироз кўпайгани қайд этилди. Тошкент шаҳар ИИББ бошлиғи ўринбосари Дониёр Тошхўжаев шу ҳақда статистика маълумотлари билан ўртоқлашди. 

Унга кўра, 2016 йил мобайнида шаҳар ҳудудида 2018 нафар аёл томонидан жами 1613та турли даражадаги жиноят (айримлари аёллар гуруҳлари томонидан) содир этилган. Ўтган йилнинг дастлабки икки ойи мобайнида 122 нафар аёл 137та жиноятни содир этган бўлса, 2017 йилнинг январь-февраль ойи мобайнида 122 нафар аёл 147та жиноятга қўл урган. Шунга биноан, ўтган йил билан таққослаганда, шаҳарда аёллар томонидан жиноят содир этиш ҳолати 10тага кўпайган.