Венесуэла олий суди ўзига парламент ваколатларини олиш қарорини бекор қилди. Бу ҳақда Globovisión телеканали сайтида чоп этилган қарорга берилган тушунтиришда айтилган.
Олий суд шунингдек депутатларни парламент дахлсизлигидан маҳрум қилишни ҳам рад этди. Бундан ташқари, "5.1.1 банд" бекор қилинди. Бу банд мамлакат президентига мамлакатдаги конституциявий тузумни сақлаб қолиш учун "фуқаролик, иқтисодий, ҳарбий, жиноий, маъмурий, сиёсий, ҳуқуқий ва ижтимоий соҳаларда чоралар кўришга" ижозат берган.
