Сербия президенти сайловларида бош вазир ғолиб бўлди
Ipsos Strategic таҳлилий агентлиги томондан чоп этилган экзит-полл натижаларига кўра, Сербия бош вазири Александр Вучич Сербия президенти сайловларида 58,1 фоиз овоз билан ғолиб бўлди.
Сербиянинг собиқ омбудсмени Саша Янкович 13,8 фоиз овоз билан 2-ўринни, сиёсатчи-пародиячи талаба Лука Максимович 9,3 фоиз овоз билан 3-ўринни эгаллади.
2 апрелда ўтган сайловларда ҳаммаси бўлиб 11 номзод иштирок этган. 1-босқичдаёқ ғолиб бўлиш учун сайловчиларнинг ярмидан кўпроғининг овозини тўплаш керак. Акс ҳолда 2 ҳафтадан кейин энг кўп овоз тўплаган икки номзод орасида 2-босқич бўлиб ўтади.
Сербияда президент 5 йиллик муддатга сайланади. Яна бир муддатга сайланишга ҳуқуқи бўлган амалдаги президент Томислав Николич Сербия тараққиёт партияси томондан қўллаб-қувватланмагани сабабли сайловларда иштирок эта олмади.
Мавзуга оид
20:10 / 15.09.2024
Сербияда мажбурий муддатли ҳарбий хизмат қайта тикланади. Унда аёллар ҳам хизмат қилиши мумкин бўлади
08:46 / 05.09.2024
Путин Сербия бош вазири ўринбосарини газ етказиб беришни муҳокама қилишга таклиф этди
21:11 / 31.08.2024
Вучич Сербия 2028 йилда Европа Иттифоқи аъзоси бўлишига ишонмаслигини айтди
12:48 / 30.08.2024